СӨ үлэҕэ министиэристибэтигэр инбэлиит оҕолордоох ыалларга босуобуйа ананыытын бэрээдэгин чуолкайдааһыҥҥа үлэ барар, биэдэмистибэ пресс-сулууспата СИА-ҕа биллэрдэ. 


«Инбэлиит оҕолоох ыаллар эмтэнэр сирдэригэр айаннарын ороскуоттарын сабыы чааһын бэрээдэгэр чуолкайдааһыннар оҥоһуллаллар. Ордук Арктика эргимтэтин ыаллара дьиэ кэргэн бюджетыгар улахан охсууну ылаллар. Дьокуускайынан эргийэн Нерюнгрига реабилитациялыыр кииҥҥэ барыы-кэлии ыарахаттардаах.

Кинилэр өрөспүүбүлүкэ бюджетыттан айаннарын иһин компенсация ылар буолан, 3 — 7 саастаах оҕолордоох ыаллар туһанар босуобуйаларыгар хапсыбаттар. Тоҕо диэтэххэ, ити айаннарыгар бэриллэр харчы дохуоттарын элбэх курдук көрдөрөр. Дохуоту учуоттааһын федеральнайдааҕы сокуоҥҥа олоҕуран оҥоһуллар. Ити эрээри регион үлэҕэ министиэристибэтэ бу кыһалҕаны иһиттэн билэр буолан, сөптөөх быһаарыытыгар үлэни ыытар», — диэтэ үлэ уонна социальнай сайдыы миниистирэ  Елена Волкова.  

Сиһилии https://ysia.ru/v-yakutii-utochnyat-poryadok-naznacheniya-posobij-semyam-s-detmi-s-invalidnostyu/

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.