29 Кулун тутар 29.03
  • -15°
  • $ 92,26
  • 99,71

Илиҥҥи экономическай форумҥа сахалар сэлиилэри клоннуур киини көрдөрүөхтэрэ

12:28, 27 августа 2018
Текст:
Читайте нас на
Яндекс Новости
ЯДВ

Хотугулуу-Илиҥҥи федеральнай университет төрдүс Илиҥҥи экономическай форумҥа палеогенетика научнай киинин тэрийиигэ инвестиционнай бырайыак сүрэхтэниитин тэрийиэҕэ.


Федеральнай университет ректорын э.т. Евгения Михайлова этэринэн, бу үрдүк үөрэх кыһатыгар палеогенетикаҕа аан дойду таһымнаах наука киинин тэрийэр баҕалаахтар. Бу киин сэлиилэри клоннааһынын боппуруоһунан   уонна Арассыыйа Хотугулуу-Илиҥҥи өттүгэр олорор норуоттар удьуордарын үөрэтиинэн дьарыктаныаҕа. Наука саҥа түһүлгэтин тэрийиини Саха Өрөспүүбүлүкэтин салалтата өйөөбүт. Бу киини тэрийии Евразия Хотугулуу-Илин экотиһигэр үөскээбит уонна олохсуйуохтаах тыыннаах организмнары, ол иһигэр киһиэхэ эмиэ палеогеномнай чинчийиини ыытарга көмөлөһүөҕэ.

Киин учуонайдара ирбэт тоҥҥо үчүгэйдик хараллан сытар былыргы кыыллар тобохторугар тыыннаах килиэккэлэри көрдөөн, булан үөрэтиэхтэрэ. Маны былыр өлбүт организмнары, ол иһигэр мамоннары клоннуурга холонууга туһаныахтара. Бырайыак быһа барыллаан сыаната 400 мөл солкуобайга тэҥнэһэр.

Саха сирин сиригэр-уотугар плейстоценовай уонна голоценовай кэмнээҕи эттэрэ буорту буолбакка хараллан сытар кыыллартан 80 % тахса ураты булумньуну булбуттара, диэн Арассыыйа Илиҥҥи сайдыыга министиэристибэтин саайтыгар этиллэр.

Женни Стрюкова, edersaas.ru

Следите за самым важным и интересным в Telegram-канале и WhatsApp-группе ЯСИА