29 Кулун тутар 29.03
  • -12°
  • $ 92,26
  • 99,71

Ил Түмэҥҥэ икки депутат боломуочуйалара тохтоото

12:47, 24 октября 2019
Текст:
Читайте нас на
Яндекс Новости
ЯДВ

Ил Түмэн пленарнай мунньаҕын түмүгэр депутаттар Александр Сусоев уонна Андрей Ткаченко боломуочуйаларын урутаан тохтотуу туһунан боппуруос көрүлүннэ. Мунньах алтынньы 23 күнүгэр бэрэссэдээтэл Петр Гоголев салайыытынан барда, диэн парламент пресс-сулууспата иһитиннэрэр.


Александр Сусоев боломуочуйатын урутаан тохтотуута – судаарыстыбаннай дуоһунаска анаммытын кытта сибээстээх. 2019 сыл балаҕан ыйын 20 күнүгэр кини регион ыччат дьыалаларыгар уонна социальнай коммуникацияларга миниистири бастакы солбуйааччынан бигэргэммитэ. Ыйаахха баһылык Айсен Николаев илии баттаабыта. Александр Сусоев Университет регионнааҕы бөлөҕүттэн депутааттаабыта, «Биир ньыгыл Россия» фракция чилиэнэ.

Парламентарий Андрей Ткаченко алтынньы 11 күнүгэр көҥүл өттүнэн депутатыттан тохтуурун туһунан сайабылыанньатын киллэрбитэ. Биричиинэтэ — ыйыллыбатах. Промышленнай бөлөхтөн талыллан депутаттаабыта. ЛДПР чилиэнэ. Предпринимательство, туризм уонна инфраструктураны сайыннарыы, тутуу, ОДьКХ уонна энергетика кэмитиэтигэр үлэлээбитэ, маны сэргэ Хонтуруоллуур кэмитиэккэ баара.

Парламентаризм сайдыытыгар кылааттарын иһин Александр Сусоевка уонна Андрей Ткаченкоҕа бэрэссэдээтэл Петр Гоголев махтал суруктары туттартаата.

Следите за самым важным и интересным в Telegram-канале и WhatsApp-группе ЯСИА
Тутаах тыллар