Ил Түмэн судаарыстыбаннай тутууга уонна сокуоннаска сис кэмитиэтэ парламены уларыта тутуу боппуруоһун көрдө. Кэмитиэт бэрэссэдээтэлэ Алексей Еремеев кэмитиэт үгүс чилиэттэрэ Ил Дархан этиитин өйөөбүттэрин туһунан СИАҕа иһитиннэрдэ.


«Ил Дархан этиитин сүрүн өрүттэрин кытары сөбүлэһэргэ быһаарынныбыт. Онуоха биир мандааттаах уокуруктан талыллыбыт дьокутааттар оннунан хаалаллара наадалаах. Баартыйалар испииһэктэринэн талыллыбыт дьокутааттар ахсааннарын аҕыйатары кэмитиэт үгүс куолаһынан өйөөтө», — диэтэ Алексей Еремеев.

Санатабыт, ахсынньы 24 күнүгэр Ил Дархан Айсен Николаев Ил Түмэҥҥэ туһаайыытыгар бастайааннай дьокутааттар ахсааннарын 35-кэ тиэрдэри ол оннугар баартыйалар испииһэктэринэн талыллыбыт дьокутааттар ахсааннарын кыччатары эппитэ.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.