Тосхолу көҕүлүүр ааҕыныстыба балаҕан ыйын 30 — алтынньы 9 күннэригэр Россияҕа туристыыр-рекреационнай кластердарга уонна экотуризм сайдыытыгар ыытыллыбыт куонкуруска кыайыылааҕы быһаарыыга куоластааһыны биллэрбитэ. 36 финалист ортотугар Саха сириттэн «Лена» туристыыр-рекреационнай кластер ураты бырайыага баар, СИА суруйар.


Бырайыакка Хаҥалас улууһун туристыыр инфраструктуратын эбийиэктэрэ киирэллэр: оройуон кыраныыссатыттан саҕалаан, «Өлүөнэ остуолбалара» национальнай паарткаҕа тиийэ. Бырайыак куонкуруска кыайдаҕына Өлүөнэ остуолбаларын чугаһынан баар Тиит Арыы, Батамай нэһилиэнньэлээх пууннарга гостиница тутуллуохтаах, тырааныспар уонна култуурунай-аралдьытар инфраструктура оҥоһуллан сайыннарыллыахтаах.

Куонкурус алтынньы 16 күнүгэр түмүктэнэр, бу күн хамыыһыйа 10 бастаабыт былаһаакканы биллэрэр.

Саха сирин бырайыагын өйүүргэ Ил Дархан Айсен Николаев Instagram сирэйигэр суруйда. «Бастаабыт бырайыактар АСИ уонна партнердар өйөбүллэрин ылыахтара. Дьоммутун өйүөххэйиҥ! Сахабыт сирэ, иннибит диэки!», — диэн суруйда кини ыҥырыытыгар.

Куоластааһын саайта КУОЛАСТААҤ МАННА КИИРЭН.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.