29 Кулун тутар 29.03
  • -14°
  • $ 92,26
  • 99,71

Ил Дархан Кыайыы күнүн сарсыарда "Буойун-кыайыылаахтар" монумеҥҥа сибэкки уурда

Читайте нас на
Яндекс Новости
ЯДВ

Үбүлүөйдээх Кыайыы күнэ онлайн-режимҥэ ыытыллар, ити эрээри бу сырдык бырааһынньыгы туох да күлүгүрдэр кыаҕа суох. Сарсыарда эрдэ өрөспүүбүлүкэ баһылыга аҕаларбыт, эһэлэрбит Аҕа дойдуларын көмүскүү аттаммыт сирдэригэр — Кыайыы болуоссатыгар — кэлэн, «Буойун-кыайыылаахтар» монуменнарыгар сибэкки уурда.


Ил Дархан Айсен Николаев Саха сирин олохтоохторун ааттарыттан Аҕа дойдуну көмүскээбиттэргэ ытыктабыл бэлиэтин оҥордо. Улуу сэрии кыттыылаахтарыгар, тыыл бэтэрээннэригэр, сэрии кэмин оҕолоругар сөһүргэстээн олорон сүгүрүйдэ, «Буойун-кыайыылаахтар» монуменнарыгар сибэкки уурда. Бу туһунан өрөспүүбүлүкэ сүрүн пресс-сулууспата иһитиннэрдэ.

Улуу сэрии  Саха сирин хас биирдии ыалын таарыйбыта. 1941 — 1945 сылларга фроҥҥа 62 тыһыынчаттан тахса киһи ыҥырыллыбыта. Биир дойдулаахтарбыт: атын куораттарга үөрэнэр устудьуоннар, аспираннар баҕа өттүлэринэн сэриигэ барбыттара. Саха сирэ сэриигэ — 37 965 буойуну, тыылга – 65 256 киһини сүтэрбитэ. 25 буойун Сэбиэскэй Союз геройун үрдүк аатын ылбыта, биэс киһи – «Албан аат» толору уордьанынан наҕараадаламмыта.

Следите за самым важным и интересным в Telegram-канале и WhatsApp-группе ЯСИА