Ытыктабыллаах Саха сирин олохтоохторо!
Эһигини Россия Федерациятын Конституциятын күнүнэн эҕэрдэлиибин!
Дойду сүрүн сокуонугар олоҕуран биһиги 25 сыл устата иннибит диэки эрэллээхтик хардыылаан кэллибит. Бу кэмҥэ Конституция нуормалара уопсастыба олоҕор бигэтик киирдилэр. 1993 сыллаахха Конституцияны норуот бүттүүн куоластааһынынан ылыныы аныгы демократическай Россия историятын биир тутаах түгэнинэн буолбута.
Бу докумуон гражданнар бырааптарын уонна көҥүллэрин сүрүн мэктиэтэ, быраап өттүнэн, судаарыстыбаннас, дойдубут тутулуга суох буолуутун уонна биир ньыгылын бөҕө акылаата буолла. Россия Федерациятын Конституцията элбэх омуктаах Россия норуота демократическай судаарыстыбаны тутан таһаарарга дьулуһуутун бөҕөргөттө, улахан суолталаах уларыйыылар тахсалларыгар аартыгы арыйда.
Биһиги уопсай сорукпут – Россия Конституцията биллэрбит сыаннастарын харыстааһын.
Саха сирэ дойду быстыспат сорҕотунан буолар, бэйэтин сиригэр-уотугар или-эйэни бөҕөргөтөр, өбүгэлэрин үгэстэрин уонна духуобунай сыаннастарын харыстыыр. Биһиги бүтүн Россияны кытта биир сомоҕо буолан дойдубут чэчирии сайдарын туһугар, олох араас эйгэтигэр дьон-сэргэ бэйэтин кыаҕын толору туһанан дьоллоохтук, дьоһуннук, сарсыҥҥыга эрэллээхтик олороругар кыһаллабыт.
Ийэ дойдуга таптал, дойду Сүрүн сокуонугар ытыктабыл саҥаттан саҥа, балысханнаах баҕа санаалары олоххо киллэрэргэ, ыарахаттары туоруурга, үрдүк көрдөрүүлэри ситиһэргэ бигэ тирэх буолаллар. Ол Саха сирин хас биирдии олохтооҕун үтүөтэ.
Сахабыт сирин бары олохтоохторугар чэгиэн доруобуйаны, дьолу-соргуну, эйэни уонна Аҕа дойдубут сайда-тупса турарын туһугар саҥа кыайыылары баҕарабын! Бары үтүөнү, сарсыҥҥы күҥҥэ эрэли уонна дьиэ кэргэҥҥитигэр этэҥҥэ буолууну баҕарабын!
Саха Өрөспүүбүлүкэтин Ил Дархана Айсен Николаев.
