Егор Борисов быһаарыытынан от ыйын 6 күнүгэр Евгений Шигапов Ил Дархан көмөлөһөөччүтүнэн ананна. Бу туһунан СӨ Ил Дархан уонна бырабыыталыстыба дьаһалтатын кардга бэлиитикэтин, судаарыстыбаннай уонна муниципальнай сулууспатын департамена иһитиннэрэр.
Евгений Витальевич Шигапов 1981 сыллаахха Саха АССР Орджоникидзевскай оройуонун Мохсоҕоллоох бөһүөлэгэр төрөөбүтэ. 2006 сыллаахха М.А. Шолохов аатынан педагогика университетын «Омук тыла» идэлээх бүтэрбитэ.
2006-2007 сс. – Хаҥалас оройуонун Мохсоҕоллоох орто оскуолатыгар иитэр үлэҕэ дириэктэри солбуйааччынан үлэлээбитэ.
2007-2009 сс. – референт, Дьокуускайдааҕы Саха сирин норуоттарын үгэс буолбут оҥоһуктарын технология уонна дизайн коллеһын канцеляриятын сэбиэдиссэйэ, үөрэх салаатын сэбиэдиссэйэ.
2009-2010 сс. – СӨ наукаҕа уонна профессиональнай үөрэхтээһиҥҥэ министиэристибэ сүрүн исписэлииһэ.
2010-2015 сс. – Россия наукаларын академиятын Сибиирдээҕи салаатын Саха сиринээҕи научнай киин сүрүннүүр исписэлииһэ, научнай-тэрийэр салаа начальнига.
2015-2016 сс. – СӨ Ил Дархан уонна бырабыыталстыба дьаһалтатын социальнай сайдыыга департамент үрдүкү референэ.
Евгений Шигапов СӨ салайар кадр саппааһыгар турар, 2016 сыллааҕы «Миниистир» дьыалабыай оонньуу кыттыылааҕа. Английскайдыы уонна французтуу тылларынан иҥнигэһэ суох саҥарар.
