Балаһыанньа уустук. Бүтэһик сууккаҕа 20 саҥа ыалдьыбыт киһи эбилиннэ. Инфекция тарҕаммыт күнүттэн Саха сиригэр 331 киһи сыстыганнаах дьаҥҥа сутулунна.
20 саҥа эбиллибит ыарыһах — Дьокуускай куораттар. Онтон биэһэ харах балыыһатын кытта сибээстээх.
Балыыһаҕа бэрэбиэркэ ыытыы түмүгүнэн, тустаах медицина тэрилтэтин салалтата Доруобуйа харыстабылын министиэристибэтин бирикээһин толорботох. Чуолаан, тэрилтэ санитарнай өттүнэн куттал суох буолуутугар миэрэлэри тутуспатах.
Коронавирус булуллубут сирдэригэр тохтоло суох мониторинг ыытыллар.
