Коронавирус инфекцията тарҕаныаҕыттан Саха сиригэр барыта 2 898 киһи ыарыйда. Ааспыт сууккаҕа 76 COVID-19 ыарыһах эбилиннэ, ол иһигэр 54 — Дьокуускайга, 9 — Мииринэй, 9 — Ньурба оройуоннарыгар.
Саҥа эбиллибит ыалдьыбыт дьон алтыспыттара быһаарылынна, ыарыы үөскээбит төрүөтэ туоратыллар.
17 киһи ыарахан туруктаах балыыһаҕа сытар, үс ыарыһах – ИВЛ аппаараакка холбонно.
Сууккаҕа лабораторияларга 3500 тест оҥоһулунна, бу дойдуга биир бастыҥ көрдөрүү. Бэс ыйын 15 күнүттэн самоизоляция эрэһиимин сорох миэрэлэрэ уһуллуохтара.
Хааччахтааһыны сымнатыы иккис түһүмэҕэ бэс ыйын 22 күнүгэр былааннанар. Мааска эрэһиимэ булгуччулаахтык тутуһуллар, итиэннэ өрөспүүбүлүкэҕэ тастан киирбиттэр 14 хонуктаах харантыыҥҥа барыылара ирдэнэр. Эпидемияны утары охсуһууга сүбэлэри барытын тутуһарга ыҥырабыт.
