Коронавирус дьаҥынан өрөспүүбүлүкэҕэ балаһыанньа уустук. Ааспыт сууккаҕа эбии 94 киһи ыарыйда.
Саамай элбэх ыарыы Дьокуускайга бэлиэтэнэр — 56 түбэлтэ бигэргэннэ. Дьиэ кэргэҥҥэ уонна корпоративнайдар. Бээтинсэ, субуота уонна баскыһыанньа куоракка күүстээх санитарнай-эпидемиологическай дьаһаллары ыытыы күннэринэн биллэриллэр.
Ил Дархан бу күннэргэ дьиэҕэ олорорго сүбэлиир.
Субуотаҕа уонна баскыһыанньаҕа маҕаһыыннар үлэлэрин эрэһиимигэр хааччахтааһыннар киллэриллиэхтэрэ. Уопсастыбаннай тырааныспар үлэтин тохтоторго сүбэлииллэр.
Ленскэй оройуонугар 22 ыарыы Чайыҥдаҕа уонна Таалакааҥҥа бэлиэтэнэр.
