Айсен Николаев иһитиннэрбитинэн, үгэскэ кубулуйбут өрөспүүбүлүкэ баһылыгын бирииһигэр ат сүүрдүүтэ от ыйын 4 күнүгэр буолуоҕа. Арктикатааҕы САТУ ипподрома онно бэлэм.
Бириис пуондата 5 мөл солк. Кэнники күннэргэ пандемиянан сибээстээн Ил Дархан бирииһигэр ат сүүрдүүтэ буолбат диэн сурах тарҕанна. Ити эрээри баһылык Айсен Николаев иһитиннэрбитинэн, аттар от ыйын 4 күнүгэр стартка тахсыахтара. Күрэхтэһии көрөөччүтэ суох ыытыллар.
Тэрээһини НВК «Саха» уонна «Якутия 24» телеханаалларга көрүөххэ сөп. Ил Дархан бэлиэтээбитинэн, кыттааччылар уонна тэрийээччилэр бэлэмнэр, маны сэргэ бириис сууматын эттэ — 5 000 000 солкуобай. «Ат спордун таптааччылары аттар киирсиилэрин онлайн-киэбинэн көрөргүтүгэр ыҥырабын. Ким күүстээх ол кыайдын», — диэтэ Николаев.
