29 Кулун тутар 29.03
  • -14°
  • $ 92,26
  • 99,71

Ил Дархан барыллаан куоластааһыҥҥа кыттыы көҕүн бэлиэтээтэ

16:24, 23 мая 2016
Текст:
Читайте нас на
Яндекс Новости
ЯДВ

Егор Борисов ыам ыйын 23 күнүгэр дьаһалтатын уонна бырабыыталыстыбаны кытта мунньахтаата. «Биир ньыгыл Россия» партия ыыппыт праймериһын түмүктэринэн этиитигэр Саха сирин олохтоохторун көхтөрүн бэлиэтээтэ. 


«Өрөспүүбүлүкэ үрдүнэн быыбардыыр учаастактарга кэлии көрдөрүүтэ күүтүллүбүтүнээҕэр элбэх буолла. Дьон өссө биирдэ эппиэтинэһин уонна дириҥ толкуйдааҕын көрдөрдө«, — диэтэ Егор Борисов.

Мунньахха судаарыстыбаннай сулууспалаахтар бэйэлэрин көхтөрүн уопсастыбаннай олоххо, улахан өрөспүүбүлүкэтээҕи уонна норуоттар икки ардыларынааҕы тэрээһиннэри ыытарга  көрдөрүөхтээхтэрин баһылык бэлиэтээтэ. Ол курдук өрөспүүбүлүкэ киин куората билигин буолаары турар улахан тэрээһиннэргэ кытта кэлэр ыалдьыттары көрсүүгэ иһэр уу хаачыстыбатыгар, гостиницалар өрөмүөннэригэр болҕомтону ууралларыгар эттэ. Итиэннэ куттал суох буолуутун хааччыйыы боппуруостарыгар болҕомто баар буолуохтааҕа хайаан да наадатын тоһоҕолоото.

Салгыы Ил Дархан соторутааҕыта буолан ааспыт Россия Госсэбиэтин мунньаҕын сорох түмүктэригэр тохтоон ааста. «Тутуу комплексын сайыннарыыга уонна куорат тутуутун силигин ситэриигэ көҕүлүүр күүс ылыллар. Онон өрөспүүбүлүкэ манна олус эппиэтинэстээхтик сыһыаннаһыахтаах уонна онно үрдүк таһымнаах бэлэмнээҕин көрдөрүөхтээх» — диэн этэн туран, баар бастыҥ көрдөрүүлэри үөрэтэр оробуочай бөлөҕү тэрийэр наадалааҕын эттэ.

Кириисиһи утары миэрэлэри ылыыга экономическай сайдыы уонна өрөспүүбүлүкэҕэ социальнай-экономическай быһыы-майгы туһунан нэһилиэнньэ ортотугар быһаарар-иһитиннэрэр үлэ тохтоло суох барыахтааҕын ыйда. Маны сэргэ конституционнай хамыыһыйа үлэтин, судаарыстыбаннай сулууспалаахтар дохуоттарын, ороскуоттарын көрдөрүүлэрин тириэрдэллэрин, үлэни толоруу дьиссипилиинэтин күүһүрдэр туһунан кэпсэттилэр.

Следите за самым важным и интересным в Telegram-канале и WhatsApp-группе ЯСИА