Коронавируска балаһыанньа биир кэм. Бүтэһик сууккаҕа 10 киһи ыарыйда, ол иһигэр аҕыһа Сунтаар улууһун вахтовай бөһүөлэгэр. Манна киирии-тахсыы бобуулаах. Онон улуус олохтоохторугар куттал суоһаабат. Ити эрээри нэһилиэнньэ ылыллар миэрэни барытын тутуһар, баһылыктарыгар ол туһунан сорудах бэриллибит.
Дьокуускайга икки түбэлтэ таҕыста — урут ыалдьыбыт киһи дьиэ кэргэнин дьоно. Алдаҥҥа эбии ыалдьыбыт киһи суох. Анаалыстар түмүктэрэ — «отрицательнайдар».
Ыалдьыбатахтарын туоһулуур анаалыстар көрдөрүүлэрэ Дьокуускайдааҕы Перинатальнай киин үлэһиттэригэр тириэрдилиннэ. Ити эрээри киин күүстээх дезинфекция кэнниттэн биирдэ үлэтин саҕалыаҕа.
Чайындаҕа харантыын эрэһиимэ тутуһуллар.
Бу күҥҥэ 10 000 анаалыс түмүгэ кэтэһиллэр.
«Самоизоляция» боппуруоһа — хас биирдиибит эппиэтинэһэ буоларын умнубаппыт.
