30 Кулун тутар 30.03
  • -16°
  • $ 92,37
  • 99,53

Ил-18 сууллуута: Эчэйбит дьону Москваҕа ыыттылар

15:10, 22 декабря 2016
Читайте нас на
Яндекс Новости
ЯДВ

Булуҥ оройуонун баһылыга Игорь Кудряшов СИА-ҕа эппитинэн, Ил-18 саахалыгар эчэйбит дьону Тиксииттэн Москваҕа ыыппыттар.


Бэнидиэнньик сарсыарда Ил-18 Тикси таһыгар саахалламмыта. Сөмөлүөт Канскай (Краснярскай кыраай) аэропуордуттан былааннамыт көтүүнү оҥорбута. Барыллааһын дааннайынан, сөмөлүөккэ байыаннайдар эрэ бааллара. Кинилэри быһылаан кэнниттэн Тикси олохтоох балыыһатыгар аҕалбыттара.

Булуҥ былааһын уоргана этэринэн, күүстээх тыалтан бу иэдээн тахсыбыт буолуон сөп. Күн-дьыл туругуттан сылтаан байыаннайдары киин эмп тэрилтэлэригэ ыыппакка сылдьыбыттар. Эпирээссийэлэри барытын Булуҥнааҕы киин балыыһаҕа оҥорбуттар. «Бүтэһигинэн пациеннары аналлаах инкубатордарга уган илдьэ барыахтара», — диэтэ Игорь Кудряшов.

Бу күннэргэ күн-дьыл да, эмсэҕэлээбит дьон да туруктара тупсубут.

Байыаннай сулууспалаахтары быыһыыр хамаанда үрдүк кылааһын көрдөрбүтүн, олохтоохтор хаан туттараары уһун уочаракка турбуттарын туһунан баһылык эрдэ этэн турар. «Сабыылаах иһитиннэрии суоҕа, ким да кими да көрдөспөтөҕө. Киһи дьиктиргиэн курдук оробуочай быһыы-майгы үөскээбитэ. Ити бары күүстэригэр эрэллээхтэрин, эпирээссийэ барыта эҥкилэ суох ааспытын иһин буолуо», — диир кини.

Следите за самым важным и интересным в Telegram-канале и WhatsApp-группе ЯСИА