Иккис Мээтис нэһилиэгэр быйыл саҥа сынньалаҥ паарката эбиллиэҕэ, манна нэһилиэк олохтоохторо эһиилгиттэн ыһыах ыһар кыахтаныахтара. Паарка тутуугар олохтоох бюджеттан 896000 солкуобай туһаныллыаҕа.
Билиҥҥи туругунан, паарка сирэ дэхсилэнэн, буор кутулунна. Саҥа паарка сэргэ оҕо оонньуур былаһаакката эмиэ тутуллуоҕа. Былаһааккаҕа сөптөөх 500 тыһыынча солкуобай сыаналаах оҕону сааратар бэлэм тэрили Дьокуускай куораттан атыылаһан туруоруохтара. Тутууга сэлиэнньэ комплекснай сайдыытын былаанын үбүттэн 200 тыһ.солк. көрүлүннэ. Бу тутуулары таһынан, нэһилиэк бочуоттаах олохтоохторун аата суруллар Стела тутуллан бүттэ. Стела тутуута олохтоох бюджеттан үбүлэннэ.
Тутуулары сэргэ, нэһилиэк иһинээҕи суолга болҕомто эмиэ ууруллар. Уулуссаны тэҥниир, дэхсилиир, эбии буор, шлак кутар үлэлэргэ олохтоох бюджеттан — 326 тыһ.солк., тырааныспар министиэристибэтиттэн — 328 тыһ.солк. итиэннэ сэлиэнньэ комплекснай сай-дыытын былаанын үбүттэн 380 тыһ.солк. туһаныллыаҕа. Тротуардары оҥорууга олохтоох бюджеттан 70 тыһ.солк. туһанылынна.
Суолга ардах уута хаайтарбат сыалыттан 10 волонтер ханааба хаһыытыгар үлэлээтэ. Кинилэр олохтоох бюджеттан хамнастаннылар.
