29 Кулун тутар 29.03
  • -15°
  • $ 92,26
  • 99,71

"Ийэ хапытаала" судаарыстыбаннай бырагырааманан бастакы оҕоҕо 466 тыһ.солк. көрүллүөҕэ

11:11, 16 января 2020
Текст:
Читайте нас на
Яндекс Новости
ЯДВ

Бэҕэһээ, тохсунньу 15 күнүгэр, дойду президенэ Владимир Путин Федеральнай мунньахха ыҥырыыта буолла. Аан бастаан сыл саҥатыгар тэрилиннэ. Демография боппуруоһугар болҕомто уурулунна.


— Билигин 90-ус сылларга төрөөбүт дьон ыал буолан, оҕо төрөтөр кэмнэрэ кэллэ. Оччолорго төрөөһүн олох кыра буолан, демография аллараа түһүүтүн содула билигин да охсор. Саамай кыра дохуоттаах, элбэх оҕолоох ыаллары өйүүргэ үлэ ыытыллыаҕа.

2020 сыл тохсунньу 1 күнүттэн 3-7 саастаах оҕоҕо босуобуйа төлөнүөҕэ. Ону ылар дьон нэһиилэ тиийинэн олоруу кээмэйин саҕа дохуоттаах буолуохтаахтар. Быһа холоон, биир оҕоҕо 11 тыһ. солкуобай, регионнар уратылара учуоттанар, — диэн иһитиннэрдэ Владимир Путин.

Саамай соһуччу сонунунан, Ийэ хапытаала 466 тыһ. солк. бастакы оҕоҕо төлөнөр буолуоҕа. Оттон иккис оҕоҕо ийэ хапытаала 150 тыһ. солк. үрдэтиллэн, 616 тыһ.солк. тиийиэҕэ. Үһүс оҕо төрөөтөҕүнэ дьиэ кэргэн эрдэ ылбыт ипотекатын кирэдьиитин сороҕун сабыыга 450 тыһ. солк. судаарыстыба төлүөҕэ.

«Ийэ хапытаала» судаарыстыбаннай бырагыраама 2026 сылга диэри уһатыллан биэрдэ.

Марианна Тыртыкова, «Саха сирэ»

© edersaas.ru сайтан

Следите за самым важным и интересным в Telegram-канале и WhatsApp-группе ЯСИА