Саха Өрөспүүбүлүкэтин Ыччатын бырабыыталыстыбата СӨ Доруобуйа харыстабылын министиэристибэтин кытта «Идэ – ОЛОХ» эдэр быраастар өрөспүүбүлүкэтээҕи куонкурустарын ыытарга бэлэмнэнэр.
Куонкурус сүрүн соругунан быраас идэтин үрдэтии, научнай-чинчийэр үлэҕэ, Саха Өрөспүүбүлүкэтин уопсастыбаннай олоҕор эдэр быраастары көҕүлээһин буолар.
Конкурус маннык хайысхаларынан ыытыллар:
– «Тыа сиригэр үлэлиир быраас» – СӨ нэһилиэктэригэр үлэлиир араас идэлээх быраастар;
– «Арктикаҕа уонна хотугу оройуоннарга үлэлиир быраас» – СӨ Арктика уонна хотугу улуустарыгар (Абый, Аллайыаха, Анаабыр, Булуҥ, Үөһээ Дьааҥы, Эдьигээн, Муома, Аллараа Халыма, Өлөөн, Орто Халыма, Усуйаана, Эбээн-Бытантай, Үөһээ Халыма оройуоннара) үлэлиир араас идэлээх быраастар;
– «Оҕо бырааһа» – педиатр, неонатолог быраастар, оҕо хирура уонна да атын «узкай» идэлээх быраастар;
– «Суһал медицинскэй көмө бырааһа» – суһал медицинскэй көмө тэрилтэлэригэр үлэлиир араас идэлээх быраастар;
– «Учаастак терапева» – учаастактааҕы терапевт-быраас, обургу оҕо терапевт-бырааһа (учаастактааҕы), уопсай практика бырааһа (дьиэ кэргэн бырааһа);
– «Учаастактааҕы педиатр» – учаастактааҕы педиатр-быраас;
– «Акушер-гинеколог» – акушер, гинеколог быраастар;
– «Хирург» – хирург, нейрохирург, сүрэх-тымыр хирура, торакальнай хирург, оториноларинголог, травматолог-ортопед, онколог быраастар.
– «Анестезиолог-реаниматолог» – анестезиолог-реаниматолог быраастар;
– «Узкоспециализированнай профиль» – гастроэнтеролог, инфекционист, невролог, психиатр, кардиолог, терапевт, фтизиатр уо.д.а. быраастар.
Куонкуруска 30-р диэри саастаахтар кытталлар.
Сайабылыанньалар 2016 сыл олунньу 29 күнүгэр диэри ылыллаллар, Molvrach@mail.ru электроннай почтаҕа ыытыахха сөп.
Кулун тутар 25 күнүгэр куонкурус түмүгэ таһаарыллыаҕа уонна кыайыылаахтар наҕараадаланыахтара. Бу күн Саха Өрөспүүбүлүкэтин эдэр быраастарыгар семинар ыытыллыаҕа.
Куонкурус түмүгүнэн, уон финалист ортотугар кыайыылаах быһаарыллыаҕа уонна «Саха сирин бастыҥ эдэр бырааһа» номинация иҥэриллиэҕэ.
