«Хоту» научнай-үөрэтэр киин Арктика бырамыысыланнай эйгэтин экологияны чөл хаалларан туран баһылааһыҥҥа өрөспүүбүлүкэтээҕи бырайыага аан дойду таһымнаах Россиятааҕы киин буолар кыахтаах. 


«Кэпсэтии кэнниттэн «Хоту» киин үлэтин салгыырга быһаардыбыт. Үчүгэй түмүктэр баар буолалларыгар уонна ол өр күүттэрбэттэригэр эрэллээхпин», — диэтэ РФ наукаҕа уонна үрдүк үөрэххэ миниистирэ Михаил Котюков.

Федеральнайдааҕы биэдэмистибэ салайааччыта Россия регионнарыгар биэс научнай-үөрэтэр киин баарын бэлиэтээтэ. Балартан математика уонна геномнай чинчийии кииннэрэ аан дойду таһымыгар үлэлииллэрин эттэ.

«Биһиги Россия сүрүн научнай тэрилтэлэрин бырагыраамаларын саҥардыыга үлэлиибит. 100-тэн тахса институт быйылгы дьылга 4,5 млрд солк ылла. Бырагыраама кэлэр сылга биллэрдик кэҥэтиллиэ, кыттааччы ахсаана эбиллиэ», — диэтэ миниистир.

Саха сирин баһылыга Айсен Николаев киин академическай наука уонна үрдүк үөрэх бырамыысыланнай хампаанньалар алтыһан бииргэ үлэлээһиннэригэр олук буолуоҕа диэн эттэ.

«»Хоту» киин балаҕан ыйыгар тэриллибитэ. Федеральнай бюджеттан эбии харчы ылааһыҥҥа эрэ анаммыт тэрилтэ буолбатаҕын өйдүөхтээхпит. Бүгүн өрөспүүбүлүкэ туһааннаах куонкуруска кыттар сайаапкатын өссө биирдэ дьүүллэстибит. Биһиги бу чааһыгар өссө элбэҕи оҥоруохпутун наада. Түмүгэр биһиги ураты компетенцияларбыт аан дойду таһымыгар тахсалларын ситиһиэхтээхпит», — диэтэ Ил Дархан.

Сигэн:

0
0

Хоруй суох