Эдэр дьон «Холодное сердце» мульткиинэттэн «Отпусти и забудь» диэн ырыаны сахалыы тылбаастаатылар.
Эдэр дьон саха тылын өйүүр, тарҕатар туһуттан ылсыбыт үлэлэригэр икки ый кэриэтэ барбыт.
«Оҕолор Интернеккэ киинэни, анимацияны сөбүлээн көрөллөр. “Итилэри сахалыы тылбаастыыр тоҕо сатамматый?» диэн ыйытыгынан салайтаран, үлэбитин саҕалаабыппыт. Толору метражтаах киинэни тылбаастыыр ыарахан, онон маннык дьоҕус көрүҥҥэ ылыстыбыт. Көрөөччү биһирээтэҕинэ – үлэбитин салҕыахпыт», — диэн СИА-ҕа санааны үөскэппит, олоххо киллэрбит Андрей Бугаев эттэ.
Ырыа тылын Эрик Варфоломеев тылбаастаата, ырыаны Александра Татаринова толордо, Ирина Бугаева монтажтаата. Эдэр дьон Алексей Халтановка махталларын тиэрдэллэр.
