М.К.Аммосов аатынан Хотугулуу- Илиҥҥи федеральнай университет 2019-2020 үөрэх сылыгар 511 үөрэҕин бүтэрээччини уонна 41 устудьуону тыа сиригэр үлэннэн хааччыйда. Бу туһунан СИА РФ наукаҕа уонна үөрэхтээһиҥҥэ министиэристибэтин пресс-сулууспатыгар сигэнэн иһитиннэрэр.
Университет карьераҕа киинин салайааччыта Александр Индеев алтынньы ыйтан саҕалаан муус устарга диэри устудьуоннары тыа сирин сайыннарыыга туһуламмыт биисинэс-бырайыактары суруйууга үөрэтэр, улуус, нэһилиэк дьаһалталарын баһылыктарын, тустаах тэрилтэ салайааччыларын кытары көрүһүннэртиир.
«Выпускник: За новое село!» форум нөҥүө уопсайа 5000 выпускник үлэлэннэ, 25 социальнай хайысхалаах биисинэс-бырайыак олоххо киирдэ.
Университет бииргэ үлэлэһиигэ 700-тэн тахса араас тэрилтэни кытары дуогабардаах. Карьера киинэ сылын аайы ханна төһө испэсэлиис наадатын ааҕар, устудьуоннар сайыҥҥы быраактыкаларын ханна барыахтарын сөбүн аттарар. Билиҥҥитэ промышленность эйгэтигэр, ОДьКХ, энергетика, үөрэхтээһин, доруобуйа харыстабылын, сибээс, тутуу, суол, культура, тыа хаһаайыстыбатын, бэйэ дьыалатын тэриниигэ 266 үлэ миэстэтэ баарын иһитиннэрэр.
