НВК САХА — Хотугулуу-Илиҥҥи федеральнай университет 7 тыһыынчаттан тахса устудьуона маҥнайгы куурус устудьуонун күнүн бэлиэтээһиҥҥэ кытынна. Бу туһунан үөрэх кыһатын пресс-сулууспата иһитиннэрэр.
СӨ үөрэҕириитин миниистирэ Владимир Егоров ХИФУ дойду биир бастыҥ үөрэх кыһата буоларын бэлиэтээн эттэ.
«Мин бэйэм манна 15 сыл кэриҥэ үлэлээбит киһи буоларым быһыытынан, кытаанах билиилээх, дьоҕурдаах, сатабыллаах, кыахтаах, үрдүк таһымнаах исписэлиис буолан тахсарга сөптөөх сиргэ кэлбиккит диэн эрэллээхтик этэбин», – диэтэ Владимир Егоров.
Устудьуоннар дьаныардаахтык туруоруммут сыалларын ситиһэргэ үөрэнэллэригэр сүбэлээтэ.
Источник: http://nvk-online.ru
