29 Кулун тутар 29.03
  • -15°
  • $ 92,26
  • 99,71

ХИФУ экспердэ Ульяна Лебедева: Саха киһитин этигэр-хааныгар хоту сир балыга уонна убаһа этэ ордук туһалаах

14:43, 21 июля 2016
Текст:
Читайте нас на
Яндекс Новости
ЯДВ

Саха сиригэр дьон аһылыга тосту уларыйда. Үп-харчы кырыымчыга, олох түргэн тэтимэ натуральнайа суох аһылыгы сииргэ күһэйэллэр. Доруобуйаҕа буортулаах аһылыгынан муҥурданыы сөптөөх аһылык бириинсибин билбэттэн тахсар. Итинник санааны медицина наукаларын кандидата, ХИФУ доруобуйа институтун аһылык киинин салайааччыта Ульяна Лебедева этэр.


«Фаст-фуд” диэн аатынан биллэр аһылыгынан үлүһүйүү киһи этигэр-хааныгар веществолар солбуһууларын кэһэр. Ону таһынан элбэх углеводттан, арыыттан уойар дөбөҥ. Ити түмүгэр саахар диабета, сүрэх ыарыыта элбиир.

Эрдэ ыытыллыбыт чинчийиилэр хоту сиргэ олохтоох киһи организыма уратылааҕын быһаарбыттара. Киниэхэ хоту сир балыга, убаһа этэ ордук наадата уонна туһалааҕа биллибитэ.

Киһи аһара суон эбэтэр ырыган буолуо суохтаах. Организымҥа кэһиллии баар буоллаҕына, киһи аһара уойар эбэтэр дьүүдэйэр.

Ыарыыны эрдэттэн сэрэтии уонна эмтээһин астан быһаччы тутулуктаах.

Россияҕа тарҕаммыт режим быһыытынан, киһи 3-4 аһыахтаах. Киэһэ 18.00 чааска киэһэҥҥи аһылык, ол кэнниттэн чэпчэкитик аһыыр сөптөөх. Онно үүт аһылыгы, утаҕы, о.д.а. сиэххэ, иһиэххэ сөп. Киһи утуйуо икки чаас иннинэ аһыахтаах.

Следите за самым важным и интересным в Telegram-канале и WhatsApp-группе ЯСИА
Тутаах тыллар