ХИФУ абитуриеннарга анаан Youtube ханаалыгар эксээмэннэри туттарыы бэрээдэгин туһунан, биридимиэттэринэн сорудахтары ырытыыга видеоконсультациялары бэлэмнээтэ. Бу туһунан СИАҕа ХИФУ пресс-сулууспата иһитиннэрэр.


Видеонан көмөнү эксээмэни ыытар хамыһыйа чилиэттэрэ, бэрэссэдээтэллэрэ биэрэллэр диир, ХИФУ медиаполитикаҕа управлениетын салайааччы Ульяна Охлопкова.

Быйыл ХИФУ-ка үөрэххэ туттарсыы дистанционно барар. Бүгүҥҥү күҥҥэ магистратураҕа уонна аспирантураҕа 157 эксээмэн ыытылынна, онтон 33-һэ онлайн уонна видео нөҥүө кэтээн көрүү көмөтүнэн, тестирование быһыытынан.

Нуучча тылыгар бакалавриатка уонна специалитетка 600 кэриҥэ киһи эксээмэн туттарда. Бу туһунан ХИФУ киин тутар хамыһыйатын салайааччы Елизавета Ильина этэр.

Видеоконсультациялары Youtube-ка ХИФУ анал ханаалыгар көрүөххэ сөп. Бакалавриатка уонна специалитетка үөрэххэ туттарсыы атырдьах ыйын 1 күнүттэн, оттон магистратураҕа, аспирантураҕа –  от ыйын 23-тэн, ординатураҕа – атырдьах ыйын 3-5 күннэриттэн саҕаламмыта.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.