29 Кулун тутар 29.03
  • -14°
  • $ 92,26
  • 99,71

Хатыыстыыр бөһүөлэгиттэн 100 км сиргэ аракыата тобохторо түстүлэр

16:26, 28 ноября 2017
Текст:
Читайте нас на
Яндекс Новости
ЯДВ

Аракыата тобохторо түспүт сири чопчу көрдөрүөхтээх радар тымныыны тулуйбакка алдьанан хаалла. Бүгүн, 14 чаас 41 мүнүүтэҕэ, «Восточнай» космодромтан «Союз-2.1б» аракыата көтөн, Уһук Илиҥҥэ баар космодромтан иккис көтүү буолла.


Аракыата көтүүтүн көрө-истэ Саха сирин дэлэгээссийэтэ, ол иһигэр Гражданскай уопсастыба институттарын сайдыытын миниистирин солбуйааччы Лена Иванова, Ил Түмэн дьокутаата Владимир Прокопьев, Кэбээйи улууһун баһылыгын солбуйааччы Степан Павлов уонна да атыттар барбыттара.

Оттон аракыата тобохторун Алдан улууһугар көрдүүр уонна хомуйар анал бөлөҕү кытары «Саха сирэ» хаһыат «Эдэр саас» сайтын кэрэспэндьиэнэ Николай Попов сылдьар. «Аракыата көппүтүн кэннэ, аҕыйах мүнүүтэ буолаат, Хатыыстыыр бөһүөлэгиттэн 100 км сиргэ тобохторо түспүттэрин ыраахтан көрдүбүт. Тобохторо хас да «туочуканан» түспүт буолуохтаахтар. Ону радар көмөтүнэн көрдүөхтээх этилэр. Ол эрээри радар тымныыны тулуйбакка, алдьанан хаалла. Онон ыйы быһа көрдөөһүн буолара буолуо», – диэн Николай төлөпүөнүнэн сибээскэ тахса сылдьан кэпсээтэ.

Следите за самым важным и интересным в Telegram-канале и WhatsApp-группе ЯСИА