29 Кулун тутар 29.03
  • -11°
  • $ 92,26
  • 99,71

Хатырыктааҕы государственность музейыгар Максим Аммосов аатынан государственнай бириэмийэни туттардылар

18:15, 27 апреля 2016
Текст:
Читайте нас на
Яндекс Новости
ЯДВ

Муус устар 27 күнүгэр – Өрөспүүбүлүкэ Күнүгэр бэтэрээннэр хамсааһыннарын тэрийиигэ, ыччаты патриот тыыныгар иитиигэ киллэрбит, о.д.а. кылаатын иһин Будимир Слепцов Максим Аммосов аатынан государственнай бириэмийэнэн наҕараадаланна.


«Мин үлэм маннык үрдүктүк сыаналаммытыттан олус долгуйдум. Дойдум, дьонум туһугар үлэлээбитим 57 сыл буолбут. Өссө да күүс-кыах тиийэринэн үлэлиэм», — диэтэ лауреат.

Бу күн Нам улууһун Хатырык нэһилиэгэр баар государственность музейыгар бу үрдүк наҕарааданы өрөспүүбүлүкэ баһылыгын, бырабыыталыстыбатын дьаһалтатын салайааччы, «Биир ньыгыл Россия» баартыйа барыллаан куоластааһынын кыттыылааҕа Юрий Куприянов уопсастыбаннас үөрүүлээх мунньаҕар туттарда.

«Максим Аммосов аатынан государственнай бириэмийэни государственность музейыгар туттарар туһунан быһаарыы быйыл ылыллыбыта», — диэтэ Юрий Куприянов.

Кини региоҥҥа государственность бигэтийэригэр уопсастыбаннай уонна политическай деятеллэр Максим Аммосов, Платон Ойуунускай, Исидор Барахов, уо.д.а. оруолларын туһунан кэпсээтэ.

Маны таһынан Нам улууһун Аппаанытыгар Максим Аммосов уонна төрөөбүтэ быйыл 120 сылын туолар Илья Винокуров пааматынньыктарыгар тыыннаах сибэкки дьөрбөтүн уурдулар.

Следите за самым важным и интересным в Telegram-канале и WhatsApp-группе ЯСИА