Сэтинньигэ сылаас күн-дьыл туран, муус уонна кыһыҥҥы суоллар арыллыыларын болдьохторо тардыллан биэрдилэр.


Хатас — Павловскай хайысханан массыыналар көҥүлэ суох сиринэн туорууллар. Кыдьымаҕынан, кумаҕынан үктэтэллэр. Техникалаах дьону кытта сэрэтэр, бобор үлэлэр ыытыллаллар.

Билигин кыһыҥҥы суолу арыйыыга үлэ барар. Суол нуормаларын ирдэбиллэрэ тутуһуллаллар. Онно олоҕуран, муус суол икки балаһалаах уонна биир саппаастаах буолуохтаах.

Дьокуускай өттүттэн мотопомпанан төрдүс балаһа кутуллар. Үһүс балаһаҕа кыдьымаҕы ыраастыыллар. Хаартыска-видео-фиксация камерата туруорулунна. Ыйааһыны бэрэбиэркэлиир пуун бэлэмнэннэ. Миэстэлэринэн муус халыҥа 27 см тэҥ.

Мэҥэ Хаҥалас өттүттэн эмиэ үлэ ыытыллар.

Кыһыҥҥы суолу арыйыыга 3 туоннаҕа диэри уйуктаах массыынаҕа нуорманан муус халыҥа 35 см буолуохтаах. Суолу арыйыы быһаарыытын СӨ суолга управлениета уонна ГИМС ылаллар.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.