Улууспут уһук нэһилиэктэриттэн ураты бары нэһилиэктэр хамаандаларын туруоран, барыта 88 бөҕөс, ол иһигэр алта спорт маастара күөн көрүстүлэр. Күрэхтэһиигэ биир дойдулаахпыт, Р.М.Дмитриев аатынан олимпийскай эрэллэр училищеларын дириэктэрин солбуйааччы Леонид Спиридонов ыалдьыттаата.
— Улуус таһымнаах хапсаҕай түһүлгэтэ ыытыллыбатаҕа ыраатта. Бу күрэхтэһии хапсаҕай сайдыытыгар төһүү буолар диэн этэбин. Бу төрүт оонньуубутун, өрүү буоларын курдук, дьон-сэргэ олус сэҥээрэр, сэргиир. Күрэхтэһии түмүгүнэн улууспут хапсаҕайга хамаандата сүүмэрдэниэҕэ, — диэтэ аатырбыт тустуукпут.
Хапсаҕай күрэхтэһиитэ улуус кэлим спартакиадатын чэрчитинэн ыытыллар буолан, нэһилиэктэр толору хамаандалары аҕала сатаабыттар. Хас биирдии бөҕөс нэһилиэгин туһугар туруулаһан туран туһунна.
Бөҕөстөр улахан дьон уонна бэтэрээннэр диэн бөлөхтөргө наарданан сытыы-сылбырҕа хамсаныылардаах хапсыһыылар буоллулар. Ол курдук, 90 кг ыйааһыҥҥа Өктөмтөн Александр Захаров хапсаҕай улахан маастардарын Александр Иванову уонна Юрий Никифоровы охтортоон көрөөччүлэри да, хапсаҕайдьыттары да соһутта, үөртэ!
II Малдьаҕар нэһилиэгин баһылыга Олег Иринеев бэйэтинэн тустан үтүө холобуру көрдөрдө. Нэһилиэгэ хамаанданан түмүккэ үһүс миэстэҕэ тахсары ситистэ. Иккискэ Өктөм-ДьГТХА филиала уонна бастакы миэстэҕэ олохтоохтор, II Дьөппөн нэһилиэгэ тахсан үөрүүлэрэ үрдээтэ.
Түмүккэ 11 бөҕөс кыттыбыт муҥутуур кыайыылааҕы быһаарар киирсиигэ кумахха тустууга аан дойду икки төгүллээх призера Денис Сивцев I Дьөппөнтөн кэлбит маастар нуорматын толороору сылдьар Очир Очиржаповы кыайан улуус абсолютнай чемпионунан буолла!
Хаҥалас улууһун хапсаҕайдаһан тустууга чемпионнара уонна призердара
Улахан дьон
55 кг – 1 миэстэ — Гермогенов Николай (II Дьөппөн)
2 миэстэ – Прокопьев Павел (II Дьөппөн)
3 миэстэ – Ноев Евгений (Уулаах Аан)
62 кг — 1 миэстэ – Тимофеев Илья (Улахан Аан)
2 миэстэ – Борисов Вадим (Улахан Аан)
3 миэстэ – Иннокентьев Сахастал (II Дьөппөн)
70 кг — 1 миэстэ – Егоров Ньургун (Мохсоҕоллоох)
2 миэстэ – Семенов Андрей (Покровскай)
3 миэстэ – Очиржапов Очир (I Дьөппөн )
80 кг — 1 миэстэ – Сивцев Денис (Уулаах Аан)
2 миэстэ – Гурьев Виталий (Улахан Аан)
3 миэстэ – Иванов Алексей (Өктөм-ДьГТХА)
90 кг — 1миэстэ – Куприянов Егор (II Дьөппөн)
2 миэстэ – Захаров Александр (Өктөм)
3 миэстэ – Иванов Александр (Покровскай)
90 кг үөһэ 1 миэстэ — Тихонов Сергей (Покровскай)
2 миэстэ – Игнатьев Владимир (Мохсоҕоллоох)
3 миэстэ – Петров Дмитрий (Хачыкаат)
Бэтэрээннэр
60 кг 1миэстэ — Петров Андрей (Мохсоҕоллоох)
2 миэстэ – Елисеев Сергей (Хачыкаат)
3 миэстэ – Алексеев Иван (II Дьөппөн)
70 кг – 1 миэстэ — Кузьмин Михаил (Покровскай)
2 миэстэ – Осипов Александр (Улахан Аан)
3 миэстэ – Самсонов Георгий (Покровскай)
80 кг- 1 миэстэ — Тихонов Анатолий (Хачыкаат)
2 миэстэ – Иванов Демьян (Улахан Аан)
3 миэстэ – Васильев Георгий (Покровскай)
90 кг 1 миэстэ – Сидоров Семен (Хачыкаат)
2 миэстэ – Львов Виктор (Улахан Аан)
90 кг үөһэ 1 миэстэ — Константинов Вячеслав (Покровскай )
2 миэстэ – Егоров Валерий (Улахан Аан)
