29 Кулун тутар 29.03
  • -14°
  • $ 92,26
  • 99,71

Хамаҕаттаҕа бастыҥ кийииттэр олороллор

12:55, 30 марта 2016
Текст:
Читайте нас на
Яндекс Новости
ЯДВ

Кыргыттар айыылартан ыйаахтарын, кийиит буолар аналларын толорон Хамаҕаттаҕа олохсуйбуттар. “Тупсууна” дьахтар сэбиэтин көҕүлээһининэн кийиит кыргыттар бэйэ-бэйэлэрин кытта билсэллэр.


“Кытыл” түөлбэ мааны кийииттэрэ Мария Дмитриева Бөтүҥтэн сыдьааннаах, Валентина Ушницкая, Надежда Гоголева Уус Алдан нэһилиэктэриттэн сүктэн кэлбиттэр. Мария элбэх оҕолоох Находкиннарга кийиит, эргиэн эйгэтин үлэһитэ, кэргэнэ Николай суоппар идэлээх, икки оҕолоохтор. Валентина игирэ аҥара Гошаҕа кэргэн тахсан уоллаах кыыс сиэни бэлэхтээн, мааны кийиит буолан олорор. Надежда орто оскуола чэпчэки атлетикаҕа тренерэ, кэргэнэ Дьулустаан улуустааҕы поликлиника бырааһа, икки уол оҕолоохтор.

“Хардыы” түөлбэ  Сунтаартан төрүттээх, үс оҕолоох ийэ тарбаҕар талааннаах иистэнньэҥ, сахалыы ииһи сэргиир Ульяна Тимофееванан киэн туттар. Кэргэнэ Илья дьиэ-уот тутар дьарыктаах.

«Арыы Тиит» түөлбэҕэ Үөдэй нэһилиэгиттэн финансист идэлээх Нина Федотова кийииттээн олорор, кэргэнэ Захар таксистыыр. Нина кылынан, туоһунан дьарыктанар дьоҕурдаах. Оҥоһуктара дьон сэҥээриитин ылаллар.

“Үрдэл” түөлбэҕэ Амматтан кийиит буолан кэлбит, уоллаах кыыс оҕолоох Наталья Петрова олорор. Эдэр ийэ идэтинэн орто оскуолаҕа социальнай педагогунан үлэлиир, кэргэнэ Константин олохтоох дьаһалтаҕа ыччаты кытта үлэҕэ специалист.

“Сайдам” түөлбэҕэ улуус кииниттэн кийиит буолбут, икки оҕолоох Анна Новгородова мааны ыал ийэтэ буолан олорор. Анна иллэҥ кэмигэр баайыынан, ииһинэн дьарыктанарын, ас астыырын сөбүлүүр. Кини улуустааҕы киин балыыһа баклабораториятын сэбиэдиссэйэ, кэргэнэ Владимир суһал көмө суоппара буолан үлэ үөһүгэр сылдьаллар.

Следите за самым важным и интересным в Telegram-канале и WhatsApp-группе ЯСИА