Тыа хаһаайыстыбатын улууһунан биллэр Сунтаар улууһугар саҕалааччы фермердэр, дьиэ кэргэнинэн сүөһү, сылгы, көтөр иитэр индивидуальнай предпринимателлэр, хаһаайыстыбалар элбэхтэр. Кинилэр араас граннарга кыттаннар эбии үп ылан, хаһаайыстыбаларын кэҥэтэллэр, үлэ миэстэтин таһаараллар.


Бу күннэргэ Хадан нэһилиэгэр саҥа хотон үлэҕэ киирдэ. Маргарита Кириллина эбийиэгин үөрүүлээх быһыыга-майгыга арыйыыга Сунтаар улууһун баһылыга Анатолий Григорьев, улуустааҕы тыа хаһаайыстыбатын начаалынньыга Иван Тихонов, Хадан нэһилиэгин баһылыга Андрей Оконешников кытыннылар.

Бааһынай хаһаайыстыба салайааччыта Маргарита Кириллина хаһаайыстыбатын кэҥэтэр, сайыннарар сыалтан 2017 сыллаахха «Саҥа саҕалааччы фермер» бырагыраамаҕа киирсэн грант ылбыт. Ол түмүгүнэн бу 100 сүөһү турар миэстэлээх хотон тутулунна. Бу аныгы матырыйаалынан саҥа хотону Юрий Соловьев биригээдэтигэр туттарбыт.

Ааптар: Станислав Ноговицын

0
0
comments powered by HyperComments