28 Кулун тутар 28.03
  • -11°
  • $ 92,59
  • 100,27

Хабаровскайга "Тыгын Дархан" киинэни көрүү саҕаланна

18:02, 18 декабря 2020
Текст:
Читайте нас на
Яндекс Новости
ЯДВ

Хабаровскайга ахсынньы 16 күнүттэн Никита Аржаков режиссердаах «Тыгын Дархан» историческай драманы көрдөрүү саҕаланна.


Сахалыы тылынан киинэ нууччалыы субтитрдаах. Хабаровскай олохтоохторугар «Национальное кино» бырайыак чэрчитинэн көрдөрүллэр.

Иһитиннэрбиттэринэн, Хабаровскай киинэ уларсааччыта «Тыгын Дарханы» кыраайга көрдөрүүгэ бэйэтэ этиилээх ааптардарга тахсыбыт.

«Тыгын Дархан» премьерата сэтинньигэ буолбута. Киинэ икки сылы быһа тоҕус муниципальнай оройуон уонна Дьокуускай куорат уокуруктарыгар уһуллубута. Барыта 10 тыһ киһи кыттыыны ылбыта. 200 эбийиэк 14 нэһилиэнньэлээх пууҥҥа тутуллубута. Киинэҕэ анаан үс тыһыынча көстүүм тигиллибитэ.

«Мин билэрбинэн киинэ кинигэҕэ олоҕуран тахсыбыт. Дьон төрүттэригэр, үгэстэргэ, историяҕа киирэр. Олус хаачыстыбалаах киинэ. Артыыстар оонньууллара, ураты истииллээх декорация, буойуннар таҥастара-саптара — олус биһирээтим. Бойобуой сыаналар компьютернай графика туттуута суох уһуллубуттара сэргэхтик көстөр. Айылҕа кэрэ көстүүтэ ураты үчүгэй», — диэн санаатын эттэ Хабаровскай олохтооҕо Андрей.

Следите за самым важным и интересным в Telegram-канале и WhatsApp-группе ЯСИА
Тутаах тыллар