28 Кулун тутар 28.03
  • -13°
  • $ 92,59
  • 100,27

Хаандыгаҕа тыа хаһаайыстыбатын дьаарбаҥката буолла

Читайте нас на
Яндекс Новости
ЯДВ

Хаандыгаҕа «Көмүс күһүн — 2016» оройуоннааҕы тыа хаһаайыстыбатын бородууксуйатын атыылыыр дьаарбаҥката буолан ааста.


Тэрээһиҥҥэ Мэҥэ Алдан, Кириэс Халдьаайы, Кэскил сэлиэнньэлэрин, Хаандыга бөһүөлэгин, Таатта оройуонун уонна Нерюнгритааҕы көтөр фабрикатын бэрэстэбиитэллэрэ кыттыыны ыллылар.

Кинилэр оҕуруот аһын, кулинарнай оҥоһуктары, эти, үүт бородууксуйатын, сымыыты уо.д.а. атыылаатылар. Билигин дьон ордук эккэ наадыйар. Ол эрээри ынах уонна сибиинньэ этин сыаната үрдээбит, ол курдук ынах этэ – 500 солк., сибиинньэ этэ – 550 солк. Таатталар убаһа этин аҕалбыттар, киилэтин 470 солк. атыылаатылар.

Атыылаһааччылар үксүлэрэ тыа хаһаайыстыбатыгар сыана үрдээбитин бэлиэтээтилэр. Ол өйдөнөр, ханнык баҕарар эйгэҕэ сыана үрдээтэ. Биир өттүнэн ыллахха, аны балтараа ыйынан идэһэ дьэ саҕаланыа. Кыһыҥҥы суол аһылыннаҕына атын улуустартан эт элбиэҕэ.

Күһүҥҥү дьаарбаҥка түмүгүн туһунан тыа хаһаайыстыбатын управлениетын специалиһа Грета Шаталина манныгы кэпсээтэ:

Араас номинацияларынан бастыҥ табаары оҥорон таһаарааччылар быһаарылыннылар уонна наҕараадаланнылар. Бастыҥ тыа хаһаайыстыбатын кооператива номинацияҕа I степеннээх дипломунан оҕуруот аһынан дьарыктанар «Аргыс» кооператив (бэрэссэдээтэл Валерий Федоров) харчынан сертификаты тутта уонна грамотанан наҕараадаланна. II степеннээх диплому уонна сертификаты «Амма» бааһынай хаһаайыстыбаҕа (баһылык А.В. Колодезников) ылла. Бу икки коллектив Мэҥэ Алдан нэһилиэгиттэн сылдьаллар. III степеннээх диплому сертификаты Байаҕантай нэһилиэгиттэн «Хаадьыма» бааһынай хаһаайыстыба (баһылык Николай Тополин) ылла.

Следите за самым важным и интересным в Telegram-канале и WhatsApp-группе ЯСИА