29 Кулун тутар 29.03
  • -14°
  • $ 92,26
  • 99,71

Хаҥаластар Байанай ыйын олортулар

16:57, 06 ноября 2019
Текст:
Читайте нас на
Яндекс Новости
ЯДВ

Покровскайдааҕы Арчы дьиэтэ – норуот айымньытын киинигэр «Байанайы олордуу» сиэрэ-туома ыытылынна. Олохтоох худуоһунньук Прокопий Федоров Байанайга аналлаах уруһуйдарын киэҥ көрүүгэ туруорда, айылгылаах алгысчыт Андриан Белолюбскай аал уот иччититтэн көрдөстө.


Хаҥалас улууһун киинигэр Арчы дьиэтин үлэһиттэрэ дьолуону түһэрэр, быйаҥы тардар туос харчыны алгыс этэн туттардылар. Дьокуускай куораттан «Алгыстаах аартык» төрүт эйгэ түмсүү салайааччыта Александр Друзьянов – Алгыстаан айылҕаттан айдарыылаах ыалдьыттарын билиһиннэрдэ. Ньурбаттан төрүттээх Бүөтүр Николаев – Ходоҕой, Лена Васильевна – Аламай Намылҕа бэйэлэрин тустарынан кэпсээтилэр.

Ходоҕой уһуйаанын туһунан сырдатта, ыйытыылаах дьоҥҥо тэттик сүбэлэри биэрдэ. Оһуокай тылын эттилэр Андриан Белолюбскай, Пелагея Семенова, тэрээһин кэнниттэн бары хаартыскаҕа түстүбүт.

«Алгыстаах аартык» түмсүү саха дьонун ис туруктарын сааһылыыр, айылгыларын арыйар сыаллаах-соруктаах үлэлии сылдьара хайҕаллаах. Сиэргэ-туомҥа сыһыаннаах ыйытыыларга киһи мунаарара элбэх, онон айылгылаах дьоммут сүбэлэринэн сиэрдээхтик олорорбут инникигэ эрэли үөскэтэр.

Ааптар: Лидия Харитонова, Хаҥалас улууһа

Следите за самым важным и интересным в Telegram-канале и WhatsApp-группе ЯСИА