29 Кулун тутар 29.03
  • -13°
  • $ 92,26
  • 99,71

Хаҥаласка сир астыы сылдьыбыт эр киһини ытыалаан өлөрдүлэр

14:46, 13 сентября 2016
Текст:
Читайте нас на
Яндекс Новости
ЯДВ

Хаҥалас улууһун Мохсоҕоллооҕун таһыгар икки булчут сир астыы сылдьыбыт 42 саастаах эр киһини саанан ытыалаан өлөрдүлэр.


Силиэстийэ быһаарбытынан, балаҕан ыйын 11 күнүгэр эр киһи кэргэнин кытта Мохсоҕоллоохтон 10 км. тэйиччи сиргэ отоннуу тиийбиттэр. Кинилэрдиин ыттара сылдьыбыт. 20:00 чаас саҕана массыыналарыгар олорон дьиэлээн испиттэр.

Сотору буолан баран тыа суолугар, «Алар» сайылык таһыгар эр киһи массыынатын тохтотон таһырдьа тахсыбыт. Ол кэмҥэ саанан ытыалааһын саҕаламмыт. Кэргэнэ массыынаттан тахсан талахтар быыстарыгар саспыт. Ытыалааһын тохтооботох, ол иһин тыаҕа куоппут.

36 уонна 40 саастаах бултуу сылдьыбыт эр дьон хараҥаҕа ыт хараҕа массыына бааратын уотугар көстөрүн адьырҕа кыыл дии санаан ытыалаабыттар. Талах быыһыгар киһи өлө сытарын буланар, Мохсоҕоллооххо суһал көмө дьиэтигэр илдьибиттэр.

Эр киһи төбөтүн курдары уонна быарын, тыҥатын дьөлүтэ ытыыттан өлбүт.

Быһылааҥҥа уорбаланааччылар бу туһунан сиһилии быһаардылар. Холуобунай дьыаланы чинчийии салҕанан бара турар.

Следите за самым важным и интересным в Telegram-канале и WhatsApp-группе ЯСИА