Хаҥалас улууһугар 21 оҕо астан сүһүрүүтүгэр силиэстийэлиир кэмитиэт холуобунай дьыаланы тэрийдэ.
Интэрнээт оҕолоро ахсынньы 6 күнүгэр киэһэ аһылыктарыгар «Домашний» фрукталаах бисквиттэн оҥоһуллубут рулеты уонна тетрапакеттаах «Добрый» согу испиттэр.
Ахсынньы 8 күнүн түүнүгэр 1999-2002 сыллааҕы төрүөх 21 оҕо Мохсоҕоллоохтооҕу учаастактааҕы балыыһаҕа киирбиттэр. Барыларыгар сытыы гастроэнтерит диэн диагноһы туруорбуттар.
Кинилэргэ медицинскэй көмө оҥоһуллубут, быраастар кэтээн көрөллөр. Силиэдэбэтэллэр быһылаан буолбут төрүөтүн, аһы харайыы болдьоҕун быһаараллар. Үлэһиттэр дьалаҕай сыһыаннара диэн юридическэй сыанабыл оҥоһуллубут.
