Хаҥалас улууһун 1-кы Дьөппөн биир чопчу сиригэр араҕас дьүһүннээх сардаанаҕа майгынныыр сибэкки сылын аайы ситэр.
Алын сүһүөх кылаас учуутала Айталина Егорова этэринэн, бу сибэкки ала-чуо биир эрэ сиргэ, сорох сыл хойуутук үүнэр.
«Сахабыт сирин кэрэ киэргэлэ – сардаана сиппит кэмиттэн син балачча тыыннаах турар эбит буоллаҕына, бу араҕас өҥнөөх эрдэ хагдарыйар, хатар. Дьон түөрэн аҕалан тиэргэнигэр олордор да, олоҕуран үүммэт», — диир кини.
Айталина Ивановна этэринэн, маныаха майгынныыр сибэкки Хабаровскай кыраайга өлгөмнүк үүнэр эбит. Ол туһунан айаннаан иһэн көрбүт дьон кэпсииллэр.