ЛДПР дьокутааттара бээтинсэҕэ Госдуумаҕа Биир кэлим эксээмэни суох гынар туһунан сокуон барылын киллэриэхтэрэ, диэн фракция пресс-сулууспата иһитиннэрэр.
“БКЭ-ни оскуоланы бүтэриигэ уонна үрдүк үөрэх тэрилтэлэригэр киирэргэ суох гынарга этии киллэрэллэр. БКЭ-ни үөрэнээччилэр сүрүн уопсай уонна орто уопсай үөрэхтээһин бырагыраамаларыгар олоҕуран судаарыстыбаннай эксээмэннэринэн солбуйаары гыналлар», — диэн быһаарыы сурукка этиллэр.
Бу көҕүлээһин ааптардара этэллэринэн, үөрэнээччи БКЭ-ҕэ бэйэтэ бэлэмнэнэр кыаҕа суох, көдьүүстээхтик бэлэмнэнэр туһугар репетитор ыларга күһэллэллэр уонна ити өҥөтө олус үрдүк.
Сокуон барылын ылыныы үрдүк үөрэх кыһаларыгар киирээччилэр билиилэрин таһымын быһаарарга көмөлөһүөҕэ уонна үрдүк үөрэххэ киирии хаачыстыбатын үрдэтиэҕэ.
