«Азия оҕолоро» Оонньууга Горнай улууһуттан 45 волонтер эппиэтинэстээхтик үлэлээтэ. Кинилэр бастыҥнар кэккэлэригэр сырыттылар.
Волонтердар дойдуларыгар кэлэн хайдах «Азия оҕолоро» Оонньуу барбытын кэпсээтилэр. Кинилэр сыралаах үлэлэрин сыаналаабыттар, бэлиэтээбиттэр. Оонньуу ыытыллар кэмигэр бэйэлэрин ортолоругар бастыҥы талар араас култуурунай, спортивнай тэрээһиннэр буолбуттар. Күн аайы бастыҥ волонтердары наҕараадалааһын ыытыллыбыт.
Миша Имеев бу норуоттар икки ардыларынааҕысуолталаах улахан тэрээһиҥҥэ кыттыбытынан киэн туттар. «Биһиги улууспутуттан Анна Михайловна Степанова (үөрэх улуустааҕы управлениета), Марина Тарасова (улуустааҕы гимназия) уонна мин бастыҥ волонтер аатын ыллыбыт. ЯТЭК иһинэн ыытыллыбыт «Мисс волонтер — 2016» куоҥкуруска Алгыстаана Алексеева (Кэптин орто оскуолата) I миэстэ буолла», — диэн кэпсиир кини.
Волонтердар ааттарыттан улуус баһылыгар Никита Викторовичка, салайааччыларыгар Ия Заровняеваҕа, Анна Степановаҕа, Евдокия Пахомоваҕа махталларын тиэрдэллэр. «Кэлэр Оонньууга эмиэ эдэр спортсменнарбыт, волонтердарбыт кыттыахтара», — диэн салгыы эрэнэрин биллэрдэ бастыҥ волонтер.
