29 Кулун тутар 29.03
  • -12°
  • $ 92,26
  • 99,71

Горнайга устудьуоннар тутар этэрээттэрэ үлэлиир

17:07, 14 июля 2016
Текст:
Читайте нас на
Яндекс Новости
ЯДВ

Горнай улууһун уонна олохтоох нэһилиэк дьаһалталара СӨ Ыччат уонна дьиэ кэргэн политикаларын министиэристибэтэ ыыппыт Тутуу этэрээттэрин үлэлэтии куоҥкуруһугар кыайан субсидия көрүллэрин ситиспиттэрэ.


От ыйын 4 күнүгэр улууспутугар ХИФУ устудьуоннарын тутар этэрээттэрэ кэлбиттэрэ. Бэрдьигэстээххэ -20, Кировскайга -10 устудьуон үлэлииллэр. Горнайга 91 устудьуон үлэлиэҕэ.

От ыйын 15 күнүттэн Маҥаныга – 10, Мытаахха — 26, Одунуга – 25 устудьуон тупсарыы үлэтигэр ылсыахтара. Устудьуоннар хамнастара, айаннарын төлөбүрэ, таҥастара субсидиянан төлөнөр. Аһылыктарын, олорор сирдэрин, туттар тэриллэрин нэһилиэк дьаһалталара хааччыйаллар. Онон кинилэргэ бары өттүнэн усулуобуйа тэриллибит.

Бэрдьигэстээххэ устудьуоннар хоруу оҥороллор, хаппыт мастары сууллараллар, хаарбах туруктаах тутуулары көтүрэллэр. Кыргыттар сууйааһыҥҥа, кырааскалааһыҥҥа, үүнээйи көрүүтүгэр о.д.а. сылдьаллар.

«Биһиги сарсыарда 9-тан киэһэ 6-ҕа диэри үлэлиибит. Олорор усулуобуйабыт олус үчүгэй, ас элбэх. Иллэҥ кэммитигэр футболлуубут, гитаранан ыллыыбыт. Горнайга баар атын этэрээттэри кытары шефтэһэр баҕа санаалаахпыт», — диир Бэрдьигэстээххэ үлэлиир «Молотобойцы» этэрээт хамандыыра, ХИФУ историческай факультет устудьуона Альберт Большаков.

Следите за самым важным и интересным в Telegram-канале и WhatsApp-группе ЯСИА