28 Кулун тутар 28.03
  • -13°
  • $ 92,59
  • 100,27

Горнайга "Манчаары ыччата" тургутууну ааста

16:02, 12 апреля 2021
Текст:
Читайте нас на
Яндекс Новости
ЯДВ

Горнай улууһугар XXI Манчаары оонньууларын, Саха
Өрөспүүбүлүкэтигэр Чэбдигирии сылын чэрчитинэн “Манчаары
ыччата” диэн квест-оонньуу ыытылынна. Сүрүн сыалынан XXI
Манчаары оонньууларын туһунан билиибитин хаҥатыы, кэлэктииби
түмүү, чөл олоҕу тарҕатыы буолар.


Горнай улууһугар «Манчаары оонньууларыгар» анаммыт квест-оонньууга “Үрдэл” (Е.Н.Прибылых),”Модун” (А.Ф.Федотов), “Тургун” (Г.А.Агеев) хамаандалар кыттыннылар. Дьүүллүүр сүбэҕэ Т.И.Павлова, А.Д.Тарасова, А.В.Семенова үлэлээтилэр.

Күрэх “Ким бэлэмнээх – ол кыайдын!” диэн этиинэн, музыкальнай визитканан, хамаанда аатын, девиһин билиһиннэрииттэн саҕаланна. Кыттааччылар бары да олус бэлэмнээхтэрин көрдөрдүлэр. Ким ыллаан дьиэрэттэ, ким үҥкүүлээн тэлээрдэ, ким ырыанан доҕуһуоллаах инсценировка көрдөрдө.

Иккис түһүмэххэ XXI Манчаары оонньууларыгар сыһыаннаах викторинаҕа “Тургун” хамаанда бары ыйытыыларга сөптөөх хоруйу биэрэн, олус
бэлэмнээҕин көрдөрдө.

Үһүс түһүмэх, олус интэриэһинэй, “Манчаары ыччата” квест-оонньуута ыытылынна. Квест-оонньуу диэн кистэммит сорудахтары булан толоруу. Манна түргэн толкуйга, сэрэйэн көрөр дьоҕурга, сорудаҕы айымньылаахтык толорууга ”Модун” хамаанда инники күөҥҥэ таҕыста. “Тургуннар” бастакынан кэлбиттэрэ эрээри, сорудаҕы ыарырҕаттылар.

Күрэхпит иккис чааһа – хапытааннар күрэхтэрэ уонна эстафета таһырдьа ыытылынна. Манна хапытаан А.Ф.Федотов (22 очукуо), Е.Н.Прибылых (19 очукуо) бэргэнник ытаннар инники күөҥҥэ таҕыстылар. Хамаанданан ытыыга ”Модун” уонна“Тургун” тэбис тэҥ 13-түү очукуону ыллылар. Манна бэргэн ытааччы А.Е.Решетников 10
очукуоҕа түһэрэн барыбытын сөхтөрдө.

Бу күн спорт дьиҥнээх бырааһынньыга буолла. Саамай ыһыылаах-хаһыылаах түһүмэхпитигэр эстафетаҕа бары да быһыйдар, сымсалар
мустубуттар. Манна хамаанданан ырааҕы ыстаныыга холоннулар,
“бэрэбинэлээх” сүүрдүлэр, онтон ханаат тардыһыытыгар “Тургун”
хамаандата тэҥнээҕин булбата.

Уопсай түмүгүнэн, бастакы бочуоттаах миэстэни ”Модун”, иккиһи “Тургун”, үсүһү “Үрдэл” ыллылар уонна мэтээлинэн, өйдөбүнньүк бириистэринэн наҕараадаланнылар. Бары кэллиэгэлэрбитин,кыайыылаахтары ситиһиилэринэн эҕэрдэлиибит, диэн суруйда Марианна Капитонова https://www.instagram.com/silatrudagorny/

Следите за самым важным и интересным в Telegram-канале и WhatsApp-группе ЯСИА