«Уһук Илиҥҥи репортёр» үһүс медиаоскуола сессиятыгар 41-с Го оонньууга аан дойдутааҕы чемпионат презентация көрдөрүлүннэ. Тэрээһин Камчаткаҕа буола турар. Манна этиллибитинэн, улахан таһымнаах күрэхтэһии 2021 сыл 2 — 9 күннэригэр Владивостокка ыытыллыаҕа. Бэлиэтээтэххэ, чемпионат урукку өттүгэр куруук Азия дойдуларыгар буолара. 


Чемпионакка 77 дойду бэрэстэбиитэлэ кыттыаҕа. Ол туһунан 41-с күрэхтэһии дириэктэрэ Михаил Емельянов иһитиннэрдэ.

«Россия аан бастакытын чемпионаты ыытар быраабы, өр сыллаах үлэ кэнниттэн, тутта. 2021 сылга Владивостокка тэриллиэҕэ. Бу Россия бэлиитикэтин салалтатыгар бэлиэ — стратегияҕа үлэ», – диэн бэлиэтээтэ кини.

Го — азиатскай элита барыта оонньуур. Билигин Россия бизнесменнэрин, салайааччыларын ортотугар биллэр буолла. Оонньуу Илини уонна Арҕааны ситимниир кыаҕын таһынан, чуолкай кыһалҕалары быһаарар — бизнескэ уонна олоххо.

Оонньуу туспа спортивнай дисциплина быһыытынан билилиннэ, биһиги дойдубут – Европаҕа Го сайдыытыгар лидер. Россияҕа 50 000 кэриҥэ киһи бу көрүҥүнэн дьарыктанар, 40-тан тахса региоҥҥа Го федерациятын кулууптара уонна секциялара үлэлииллэр. Саха сирин олохтоохторо күрэхтэһиилэргэ куруук кытталлар уонна бириистээх миэстэлэри ылаллар.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.