Гиирэ спордугар Россия Кубогар сахалар бириистээх миэстэлэргэ тигистилэр. Күрэхтэһии Томскай куоракка буолла.
Томскайга буолбут гиирэ спордугар Россия Кубогар барыта 164 спортсмен 23 регионтан кытынна. Саха сирин биэс спортсмен көмүскээтэ. Балаҕан ыйын 21 күнүгэр күүстээх атлеттар кииристилэр.
Владимир Оленов 68 киилэҕэ диэри тирэнэн баран гиирэни анньыыга бастаата. Бу ыйааһыҥҥа Руслан Лугинов двоеборьеҕа иккистээтэ. Кини РФ спордун маастара. Норуоттар икки ардыларынааҕы спорт маастара Михаил Саввинов 85 киилэҕэ диэри үһүстээтэ.
Кинилэри сэргэ двоеборьеҕа 85 киилэттэн үөһэ ыйааһыҥҥа спорт маастарыгар кандидаттар Константин Абрамов уонна Иван Жердев кыттыыны ыллылар.
