Саха сирин Герой Ийэлэрэ оҕону иитиигэ, дьиэ кэргэн сыаннастарын харыстааһыҥҥа, сайыннарыыга, өрөспүүбүлүкэ социальнай-экономическай сайдыытыгар кылааттарын иһин Ил Дархан 1500 мөл.солк. суумалаах харчынан бириэмийэтин анаата.
Егор Борисов өрөспүүбүлүкэ дьахталларын XIV съеһигэр бу үрдүк наҕараадалары туттарда.
«Аҕа баһылыкпыт мин туспар кыһаллыбытыттан олус үөрдүм. Бу дьиҥнээх бырааһынньык. Мин улахан дьиэ кэргэҥҥэ улааппытым. Оҕолорбун миигин хайдах ииппиттэрин курдук иитэбин: дьону, таҥараны, тулалыыр эйгэни таптыырга«, — диэн Нерюнгриттан сылдьар саамай элбэх оҕолоох эдэр ийэ Татьяна Юдинцеева кэпсиир. Кини 14 оҕолоох: аҕыс кыыс уонна алта уол. Улахана 17 саастаах, кырата 3-тээх. Бириэмийэтинэн Нерюнгри куоракка дьиэ ылар былааннааҕын иһитиннэрдэ.
Бу күн Сунтаар улууһуттан 14 оҕону төрөтөн, улаатыннарбыт Раиса Игнатьеваҕа, Дьокуускайтан 16 оҕолоох Тамара Белозероваҕа, Тааттаттан Татьяна Федоровоҕа уонна «Россия саллаатарын ийэлэрэ кэмитиэт» уопсастыбаннай тэрилтэ регионнааҕы салаатын бэрэссэдээтэлигэр Мария Емельяноваҕа бириэмийэлэр туттаралыннылар.
