Быйыл кыһын Саха сириттэн «Game2:Winter» диэн Бүтүн Арассыыйатааҕы реалити-шоу сүүмэрдиир куоластааһыныгар кытта сылдьар дьон баар диэн сонун тарҕаммыта. Сүүмэрдээһини алта биир дойдулаахпыт ааста.
Манна Томскай уобалас кыһыҥҥы тайҕатыгар тиийэн, тоҕус ый устата олорон, тыыннаах ордуоххун наада. Бэйэҕин кытта 100 киилэ эрэ маллаах барарын көҥүллэнэр. Тулуйбут киһи 100 мөл.солк. уу харчынан наҕараадаланыаҕа. Дьоруойдар олохторун тоҕус ый устата икки тыһыынча кэриҥэ видеокамера устуутун нөҥүө билэ-көрө олоруохпут.
Алта биир дойдулаахпыт бу реалити-шоу бастакы сүүмэрдиир түһүмэҕин ааһан, 120 талыллыбыт дьон испииһэгэр киирдилэр. Бу дьонтон бэс ыйын 1 күнүгэр диэри 30 киһи талыллыаҕа, атыттар «саппааска» киириэхтэрэ. Саха сириттэн Вячеслав Бродников, Федор Павлов, Андрей Иванов, Күннэй Сидорова, Клара Ючюгяева уонна Сааскылана Бястинова иккис түһүмэххэ аастылар.
Таатта улууһун Туора Күөл нэһилиэгин баһылыгын солбуйааччынан үлэлии олорбут Федор Павлов «Game2:Winter» реалити-шоуга кыттарга санаммытын туһунан кэпсэтиибитин манна ааҕыҥ.
Кинилэргэ бу сайтка киирэн куоластыаххытын сөп: game2winter.ru
