Бырабыыталыстыба бэрэссэдээтэлэ Галина Данчикова РФ Федерация Сэбиэтин Госдуматыгар дьокутаат буолан барарынан, Саха сирин баһылыга Егор Борисов алтынььы 4 күнүнээҕи 1422-с №-дээх уурааҕынан кинини дуоһунаһыттан тохтотто.
Балаҕан ыйын 18 күнүгэр Арассыыйаҕа биир кэлимсэ быыбар күнэ ыытыллыбыта. Куоластааһыҥҥа баартыйалар испииһэктэриттэн уонна биир мандааттаах уокуруктартан дьокутааттары талбыттара. Саха сиригэр «Биир ньыгыл Арассыыйа» иһин быыбардааччы 46,42% куоластаабыта. Ити түмүгүэр өрөспүүбүлүкэ Госдумаҕа мандааты ылбыта.
