Россиятааҕы УФСБ Саха сиринээҕи салаатын үлэһиттэрэ Хабаровскай кыраайтан өрөспүүбүлүкэҕи диэри наркотигы аҕалар бөлөх үлэтин тохтоттулар. Наркотигынан эргинээччилэр эрдэ интернет-маҕаһыыны үлэлэппиттэр, төлөбүрү биткоин-кошелек нөҥүө ылыллара.
Наркотик тарҕаныытын хонтуруоллуур Россиятааҕы управление Хабаровскайга маннык дьарыктаах бөлөххө холуобунай дьыаланы тэрийбит.
Амфетамин эрээтигэр киирсэр «Скорость» диэн ааттаах сүһүрдэр веществону Хабаровскай кыраайтан Саха сиригэр диэри аҕалан атыылыыры сулууспа тохтотто. Наркотик киһи психикатыгар күүскэ дьайар, тутулуктаныыга тиэрдэр. «Скорость» 1 грамма 3 тыһ.солк. атыыланара биллэр.
Наркотигы батарар сыаллаах дьон бассыабай пааспарынан Нерюнгрига диэри тимир суолунан, Дьокуускайга диэри таксинынан айаннаан кэлбиттэр.
Куортамнаабыт олорор дьиэлэригэр бороһуоктуҥу маҥан уонна сырдык күөх өҥнөрдөөх, 250 грамм веществону булбуттар.
Экспертиза вещество наркотик буоларын быһаарбыт. Буруйданааччылар бэйэлэрэ маны тутталлара биллибит. Дьокуускайга аҕалан кыра пакеттарга кутан курьердарынан атыылыыр соруктаахтара быһаарыллыбыт.
Маныаха холуобунай дьыала тэрилиннэ. Ити туһунан биэдэмистибэ пресс-сулууспата иһитиннэрэр.
