28 Кулун тутар 28.03
  • -11°
  • $ 92,59
  • 100,27

Федор Борисов: Саха сиригэр аадырыстаах социальнай көмөнү оҥоруу тэтимириэ

16:44, 07 июня 2017
Текст:
Читайте нас на
Яндекс Новости
ЯДВ

Саха сирин салалтата олохтоохторго социальнай өйөбүлү оҥорууну өссө дириҥэтэн, тупсаран бириэхтэрэ. Бу туһунан СӨ Ил Дарханын уонна бырабыыталыстыбатын дьаһалтатын салайааччы Федор Борисов үлэ уонна социальнай көмүскэл министиэристибэтин 25 сыллаах өрөгөйдөөх тэрээһинин чэрчитинэн эттэ. 


«Үйэ чиэппэрин устата биһиги өрөспүүбүлүкэбитигэр социальнай көмүскэл эйгэтигэр олус көдьүүстээх ситим тэрилиннэ. Чуолаан бу хайысханы тупсарыыга анал бырагыраамалар үлэлииллэр. Сокуоннар уларыйаллар эрээри, үлэ ис хоһооно син биир — дьоҥҥо көмө«, — диэн бэлиэтээн эттэ салайааччы Федор Борисов.

Бу күн биирдиилээн көмөҕө наадыйааччы дьоҥҥо оҥоһуллар өйөбүллэр олус туһалаахтара уонна суолталаахтара этилиннэ. Олоххо араас ыарахан түгэҥҥэ түбэспит бэтэрээннэр, инбэлииттэр, элбэх оҕолоох ыаллар уонна аҥардас дьон судаарыстыбаттан өйөбүлү эрэ буолбакка, бэйэ күүһүгэр эрэли, кыаҕы ылаллар.

«Бүгүн тустаах министиэристибэ иннигэр социальнай көмүскэли оҥоруу таһымын үрдэтиигэ эрэ буолбакка, көмө аадырыстаах уонна көдьүүстээх буоларын ситиһэр сорук турар«, — диэн Борисов эбэн эттэ.

Саха сиригэр социальнай бэлиитикэни ыытыы судаарыстыбаннай бырагыраама чэрчитинэн барар. Региоҥҥа 300 тыһыынча кэриҥэ киһи көмө ылар, ол иһигэр араас чэпчэтиилэр уонна босуобуйалар киирсэллэр.

Бу сылга тустаах салааны үбүлээһин судаарыстыбаннай бырагырааматынан 17 миллиард солк көрүллүбүт, онтон социальнай өйөбүлгэ — 10,5 млрд.солк., онно өрөспүүбүлүкэ бюджетыттан 7,8 миллиард, федеральнайтан — 2,7 млрд.солк.

Үлэ уонна социальнай сайдыы министиэристибэтэ бэлиэтииринэн, бүтэһик уон сылга социальнай өйөбүлү оҥоруу түөрт төгүл улааппыт. Маны сэргэ билигин бырабыыталыстыба «2022 сылга диэри СӨ нэһилиэнньэтин дьадайыытын таһымын аччатарга былаан туһунан» диэн дьаһала бэлэмнэнэр. Бу докумуон, бастатан туран, биирдиилээн дьон олох ыараханыттан тулуктаһан тахсыыларыгар аадырыстаах, туһалаах көмөнү оҥорууга буолар.

«Ил Дархан Егор Борисов 2017 сыллааҕы үлэбит сүрүн хайысхатыгар үлэтэ суох буолууну аҕыйатыыны, нэһилиэнньэ дохуота үрдүүрүн ситиһиини уонна дьадайыыны кытта охсуһууну күүскэ ыытарбытын сорук быһыытынан туруорбута. Чахчы бэйэтин олоҕун тупсарарыгар баҕалаах, ити эрээри онно биллэр биричиинэлэринэн кыаҕа тиийбэт дьоҥҥо социальнай бэлиитикэ туһуланар«, — диэн үлэ миниистирин солбуйааччы Татьяна Степанова эттэ.

Следите за самым важным и интересным в Telegram-канале и WhatsApp-группе ЯСИА