НВК САХА – Таатта улууһуттан төрүттээх Николай Гуляев Европа классическай дуобакка чемпионатыгар иккис миэстэни ылары ситистэ. Бу туһунан «Спорт Якутии» хаһыат тириэрдэр.
Турция Измир куоратыгар буолбут чемпионат бастакы комплект мэтээллэрин – классическай 64 харахтаах дуобакка оонньоттулар. Николай Гуляев саха гроссмейстердарыттан финалга соҕотох таҕыста. Күрэхтэһии абсолютнай кыайыылааҕынан Украина бэрэстэбиитэлэ Юрий Аникеев буолла.
Дьахталларга бириистээх миэстэлэри Россия гроссмейстера Юлия Мосалова уонна спорт маастара Кристина Ватолина аҥардастылар. Саха сириттэн сылдьар Матрена Ноговицына төрдүс көрдөрүүлээх.
Уопсайа Россия сүүмэрдэммит хамаандатын кэккэтигэр түөрт саха дуобатчыта кытыыны ыла сылдьар: Николай Гуляев, Андрей Федотов, Николай Стручков уонна Николай Гермогенов. Чемпионат бүтэһик күнүгэр кинилэр хамаанданан күрэххтэһиигэ Уһук Илиҥҥи уокурук чиэһин көмүскүөхтэрэ.
Источник: http://nvk-online.ru
