28 Кулун тутар 28.03
  • -12°
  • $ 92,59
  • 100,27

Евразияҕа уонна Саха сиригэр климат уларыйыытын учуонайдар ырыталлар

10:40, 02 ноября 2016
Читайте нас на
Яндекс Новости
ЯДВ

СӨ наукаларын академиятыгар «Баланс, воды и энергии и климат бореальных и арктических регионов с акцентом на Восточную Евразию» норуоттар икки ардыларынааҕы IX-с симпозиум үлэтин саҕалаата. Учуонайдар планета климатын уларыйыытын саҥа чинчийиилэрин дьүүллэһиэхтэрэ.


Бу чинчийиилэри Хоккайдо (Япония) университета, Саппоро (Япония) ойуур уонна ойуур бородууктатын института, Арассыыйа наукаларын академиятын Сибиирдээҕи салаатын ирбэт тоҥу үөрэтэр института уонна криолитозона биологическай кыһалҕаларын үөрэтии института саҕалаатылар.

«Климат уларыйыыта, сылыйыыта ордук Хотугу полюска биллэр. Япония маныаха ураты улахан болҕомтотун уурар. Арассыыйа уонна Япония хардарыта ыытар чинчийиилэрэ салгыы ыытыллыахтара диэн эрэнэбин», — диэн эҕэрдэ суругар Хабаровскайга Япония генеральнай консула Ямамото Хироюки эппит.

Норуоттар уонна бырабыыталыстыбалар икки ардыларынааҕы 40 бырайыак чэрчитинэн 14 дойду тэрээһиҥҥэ кыттар. Кэтээн көрөр ханна да суох SakhaFluxNet тиһик олохтоммут.

«Саха сирин киин өттүгэр климат улаханнык уларыйбатах. Барыта сыыйа-баайа буолар. Өрөспүүбүлүкэҕэ, ордук Арктика оройуоннарыгар гидрологическай цикл уларыйыыта сүрүн миэстэни ылар. Ити үүнээйигэ уонна ирбэт тоҥҥо дьайар», — диэн СИА-ҕа профессор Тетсуя Хияма эттэ.

SakhaFluхNet бөдөҥ климатическай түөлбэлэри хабар. Онно туундара, ойуурдаах туундара уонна ойуурдаах түөлбэлэр киирэллэр. Маныаха барытыгар «Спасская Падь», «Түнгүлү», «Нэлэгэр» (Киин Саха сирэ), «Эльгээйи» (Саха сирин соҕуруулуу-илиҥҥи өттө), «Чокурдаах» уонна «Кодак» (Саха сирин хотугулуу-илиҥҥи өттүгэр) научнай-чинчийэр станциялар инфраструктуралара баар.

Следите за самым важным и интересным в Telegram-канале и WhatsApp-группе ЯСИА