Айсен Николаев өрөспүүбүлүкэни инники диэки сайыннарар кыахтаах киһи, диэн санаалаах Дьокуускай баһылыгын солбуйааччы Евдокия Евсикова.
“Бу сылларга биһиги куораппытыгар төһө уларыйыы тахсыбытын илэ көрдүм уонна олоҕу аныгылыы, киэҥник ырыҥалаан көрөр Айсен Сергеевич – 21 үйэ дьиҥнээх салайааччыта диэн бигэтик этэбин. Кини өрөспүүбүлүкэ үлэтин-хамнаһын толору билэр. Маннык дьон өрөспүүбүлүкэни уонна Арассыыйаны хамсатыахтаахтар”, — диэтэ кини.
Дьокуускайга ыытыллыбыт “Биир ньыгыл Арассыыйа” баартыйа конференциятыгар өрөспүүбүлүкэ Ил Дарханын э.т. Айсен Николаевы быыбарга регион үрдүкү дуоһунаһыгар туруорунарыгар өйөөтүлэр.
Санаайа Иванова.
